സോളി ഇടമറുക് എനിക്ക് ചേച്ചിയായിരുന്നു:പെരുമ്പടവം

സോളി ചേച്ചി നിങ്ങൾക്ക്  യുക്തിവാദിയും മിശ്ര വിവാഹ പ്രസ്ഥാനത്തിന്റെ പ്രവർത്തകയെന്ന നിലയിലും പ്രിയങ്കരിയുമായിരിക്കും . എനിക്ക് അവർ അങ്ങനെയൊന്നുമല്ലായിരുന്നു. അവരെനിക്കു ചേച്ചിയായിരുന്നു. അവർ എന്റെ കുടുംബാംഗമായിരുന്നു.

ഇടമറുകുമായുള്ള ബന്ധം ഗാഡമായിരുന്നു.എം.സി.ജോസഫിന്റെയും  എ.ടി കോവൂരിന്റെയും കുറ്റിപ്പുഴയുടെയുംകൂടെ ഞാനും ചെന്നുപെട്ടത് ഇടമറുകിനോടൊപ്പമായിരുന്നു. ഇടമറുകിന്റെ വിവാഹശേഷം വീട്ടിലെത്താൻ കഴിയാതിരുന്ന ഘട്ടത്തിൽ താങ്ങും തണലുമായിരുന്നത് പെരുമ്പടവം തോമസായിരുന്നു.

ഇടമറുക് കൈവരിച്ച ഉയർച്ചയ്ക്ക് ഒരു സാംസ്ക്കാരിക തലം കൂടിയുണ്ടായിരുന്നു. വല്ലപ്പോഴും സ്വാതന്ത്യത്തോടെ കയറിച്ചെല്ലാവുന്ന വീടുണ്ടായിരുന്നത്, ഇടമറുകിന്റേതായിരുന്നു.പെരുമ്പടവം തോമസ്‌ കഴിഞ്ഞാൽ അനുജൻ ഞാനായിരുന്നു.ഞങ്ങൾ തമ്മിൽ അഭിപ്രായ വ്യത്യാസമുണ്ടായിരുന്നു.പക്ഷെ, എല്ലാം പറഞ്ഞു തീർക്കുമായിരുന്നു.അപ്പോഴും സാഹോദര്യം നിലനിന്നു.സനലും ഗീതയും എന്റെ മക്കളെപ്പോലെയാണ്.അന്നത്തെ സൗഹൃദം പഴയതുപോലെ തന്നെ തുടരുകയായിരുന്നു.

 

പിളർപ്പ് 

യുക്തിവാദ പ്രസ്ഥാനം പിളർന്നപ്പോൾ കേരള യുക്തിവാദ പ്രസ്ഥാനത്തോടൊപ്പം ഞാൻ നിന്നു. ഇന്ത്യൻ യുക്തിവാദി സംഘവുമായി ഇടമറുകും. ആ കാലത്തൊക്കെയും ഇടമറുക് ഭിന്നമായി ചിന്തിച്ചിരുന്ന ആളായിരുന്നു. ഏതെല്ലാം  തരം എതിർപ്പുകളെയും നേരിട്ടതാണ് ഇടമറുകും കുടുംബവും.